Mushishi

 Гайхалтай зураглал, гайхалтай хөгжим. Асар тайван амар амгалан хэрнээ нууцлаг сонирхолтой орчин, зохиол. Зүүдний ч гэмээр. "Ургамал" судлаач залуу Гинкогийн тосгоноос тосгоны хоорондох аян замын адал явдлуудын талаар өгүүлэх энэхүү анимег үзэхийг санал болгож байна. 
Миний хувьд сүүлийн хэдэн жил үзсэн аниме дотроос calm&beautiful гэдэг тодорхойлолтуудад хамгийн тохирсон нь энэ. Харьцангуй цөөн ангитай дээр нь бараг ихэнх үйл явдлууд нь анги дамнаж үргэлжилдэггүй тул хаанаас нь ч хамаагүй ганц нэг анги үзсэн ч уйдахааргүй. 

"Мүши" хэмээгч нь байгаль дээрх амьд организмуудын хамгийн энгийн хэлбэр. Тэд ямарваа нэгэн хүсэл зорилгогүй зүгээр л оршин тогтнодог. Бидний мэдэх сайн, муугийн хэмжээсээс хальсан. Мүши нь янз бүрийн хэлбэр дүрстэйгээр оршин тогтнохоос гадна байгаль дэлхий дээрх элдэв зүйлсийг даган дуурайх чадвартай. Ургамал, өвчин зовлон, тэр бүү хэл тэнгэрт харагдах солонгыг ч дуурайсан байхтай нь тааралдана. Энэ бол гэхдээ зүгээр л Мүшишичдийн ертөнцөөр хэрэн хэсэгч эдгээр биетүүдийн талаарх өнгөцхөн л тодорхойлолт. Энгийн хүмүүс тэднийг өөрсөдтэй нь зэрэгцэн оршин буйг үл анзаардагаас болоод ч тэр үү Мүши-ийн талаарх дэлгэрэнгүй мэдээлэл тун хомс. Мүшиши хэмээгч нь эдгээр Мүшиг оршин байгааг мэддэг тэдгээрийг болон тэдний хүмүүст нөлөөлөх нөлөөллийг судалдаг бүлэг хүмүүсийг хэлнэ. Гол дүрийн залуу Гинко маань ч бас эдний нэг нь юм.
http://myanimelist.net/anime/457/Mushishi

Lucy Rose - Shiver (Mushishi OST)

Ally Kerr - The Sore Feet Song (Mushishi OST) 

Аниме сонирхдог ч бай сонирхдоггүй ч бай энийг сонирхоод үзээрэй. За тэгээд бүүүүр сонирхохгүй бол ядаж энэ хоёр дууг сонсоорой. Таалагдана :)

Death

Have you ever thought about 'Death'? Or the process of dying, or the impact of your death, or maybe stuffs like heaven&hell etc lol. Bet everyone thought about 'death' at least few times during his/her 'alive' time. Don't get me wrong. I'm not thinking about dying myself haha. I love being 'alive' :)
I'm just thinking about it just because ... you know it's an interesting subject & I'm pretty bored. When I was a little kid, I used to be scared of it. Thoughts like where I'm gonna go afterwards and even weird things like what it's gonna be like if you aren't 'breathing'?? Is there place I'm gonna go or that's it. It is THE END.
Nowadays, I'm more interested in the process & impact. There's plenty of ways to die. Grow old and die peacefully. Could be lonely road if you're one of the last remaining ones. It's pretty sad thing to see all your loved ones go first :(
Or maybe untimely death. Or became seriously ill and meet death? I hate becoming ill & die. I hate to spend my last days in bed. I hate to be seen weak. But maybe it's better than untimely death. At least it gives you time to say goodbye to your loved ones. Or.... maybe not. Maybe I can't bear the farewells.
Another way to die is going to war & die for your country :) I like this one wahahahhaha. Except we're living in peaceful era & i wish it continues long may it lasts.
Impact of my death... I don't think it'll be huge deal to anyone except my poor family. Maybe there'll be few more people who grieves for me. I hope so haha. Anyway, it's interesting to imagine  (or maybe it's some useless idiotic way to spent your priceless hours lol) what impact it'll bring on other people's lives. Yeah yeah I've twisted useless mind & I better sleep now instead of bullshitting here lol

Death of one of my favorite musician :(

Good movie. I like Emma Thompson's character here

Remember this song?  :) 

Аялал /P2/

Карл Мэлоун, Жон Стоктон тэргүүтэй Юта Жазз болон гайхал Мормончуудын өлгий нутаг гэдгээс өөр ямар нэгэн төсөөлөлгүйгээр Юта мужаар зочлохоор одов. Гал улаан өндөр өндөр уул хад, түүн дээр нь ургасан нов ногоон модод. Дээр нь нэмээд үүлгүй хөх тэнгэр. Байгаль дэлхийн үзэсгэлэн гоо гэж янз янз л байдаг байх. Энэ нутаг яалтчгүй түүнийх нь нэг бололтой. Машин барьж байхдаа тал тал тийшээ харж ангайсаар байгаад л таарсан даа кк.

  City of Kanab. Mormon Pioneer

Zion National Park
Оройхон ирсэн болохоор хамгийн эхний төлөвлөгөө амрах газраа очоод майхан саваа барьж авав. Өмнөх өдөр нь хоносон death valley дээрх campground-аас тэс өөр орчин угтсан. Эргэн тойрон гэр бүлээрээ хүүхдүүдтэйгээ амарч буй улс эсвэл дан залуу хосууд. Түүдэг галаа асаагаад тойрч сууцгаах нь суугаад, хоол ундаа идэх нь идээд, тоглох нь тоглоод нэг л тийм амар амгалан, тайван. Цаг агаар ч гэсэн яасан сайхан байх юм. Түүдэг галын үнэр тасархай үнэртэнэ. Хүүхэд байхад л хамаатан садангуудтайгаа жимсэнд нэг ингээд л явдаг байсан даа. Олуулаа бужигнаад л. Ганцаараа болохоор иймэрхүү үед арай л биш юм. Бусдыг харж хэсэг атаархаж суув. Гэнэт муухай ганцаарддаг байна шд хаха.

Маргааш нь хийсэн гол ажил Zion Canyon Scenic Drive аар явах шив. Уг нь хэд хэдэн газараар очих төлөвлөгөөтэй байсан ч бас л бүтэлгүйтсэн кк.

Сүрдмээр сайхан газар байна лээ. Том том хад цохио, уулаа нүхэлсэн харанхуй туннел. Хэсэг яваад л зогсож зураг авсаар байгаад таарсан. Борооноос болоод тэнгэр бүрхэг байсан нь л жоохон тийм. Тэгээд яарах юмгүй тааваараа явж байх ч сайхан байсаан байсан кк

Туннелийнх нь хувьд бол 80аад жилийн өмнө баригдсан 1,7 км урт (тухайн үеийнхээ хамгийн урт туннел) машины 2 урсгалтай ч аюулгүй байдлын үүднээс паркын рэнжэрүүд хоёр талд нь зохицуулалт хийж ганц ганц урсгалаар нь явуулдаг. Дунд нь байх хэд хэдэн хадаа цөмлөж гаргасан цонхыг эс тооцвол гэрэлгүй. Ийм л нэг туннел байна лээ кк. Нүхэлсэн цонхнууд нь их сонирхолтой. Ялангуяа гаднаас нь харвал.

Тэр доор байгаа нь цонх. Дотуур нь зам байгаа :)

Юта мужийн хувьд Зион паркаас гадна хэд хэдэн том паркуудтай (Зион ерөнхийдөө жижигт нь ордог. Гоц гойд зүйлээр ч бусадтайгаа харьцуулахад маруухан). Надад бол ерөнхий байгалийн үзэсгэлэнгээрээ бол Зион нь хамаагүй илүү юм шиг санагдсан. Гэхдээ би Зионоос гадна гэвэл ганц Bryce Canyon-оор нь л зочилсон л доо. Тэгэхээр харьцуулах нь ч хаашаа юм хаха

Dream

I've had a dream one day
Dream about me,
Standing inside myself

There was nothing
Nothing but void
Nothing but emptiness

I've wanted to cry
I've wanted to scream
I've wanted to run away

But there was nothing

No tears to drop
No voice to come out
No space to run into

Just an void
Just an emptiness

I was scared
I've wanted to wake up
But then I've realized,
There was no dream to wake up

...

Point

They moved on
But I'm still stuck at that point
No one notices,
No one realizes that I'm still at that point

For them it's just another point
Maybe for them, there wasn't even a point to begin with
But for me it's a special point
It's THE point

I can't move on
I'm still living in yesterday
I'm still living in my dream
I'm stuck here hopelessly

Why can't I move on from something that never mattered anyone but me
What am I waiting
When will I move on
It's so stupid, It's so frustrating

One day they'll look back
Maybe
But I won't be there anymore
Hopefully

Аялал /P1/

   Олон хоногийн турш төлөвлөж төлөвлөж эхлүүлсэн аялал маань эхний өдрөөсөө л чи одоо төлөвлөлөө юу гэсэн шиг л шал өөрөөр эхлэв хаха. Хангалттай гэж бодож байсан цаг хугацаа хаанаа ч хүрэхгүй болж дээр нь сүлжээгүй газар утасны navigation-д найдаж явна гэдэг бүтэшгүй болоод ирэв. Багахан төөрөөд ч авсан кк. Гэхдээ яахав эхний хэдэн өдөр Калифорныхоо хэдэн паркуудаар ороод гарсаан. Хамгийн гоё нь гэгдэх Yosemite-ээр өмнө очсон байсан болохоор энэ удаад арай өөр газруудаар явъя гээд урдуураа явлаа.

Kings Canyon, Sequoia national park

   Хоёр тусдаа парк гэж явдаг ч бие биетэйгээ шууд зэрэгцээ оршдог эгч дүү паркууд. Тэнгэр баганадсан өндөр барилга гэдэг шиг бас л эвгүй эвгүй өндөр, зөвхөн Америкт тэр дундаа зөвхөн Калифорнид л ургадаг моднуудын өлгий нутаг. Энэхүү 'Redwood', 'Sequoia' гэж нэрлээд байгаа хоёр төрлийн модод нь Калифорни мужийнхны ганц бахархал нь болсон зүйл. Хот, сургууль, эмнэлэг, галт тэрэгний зогсоолоос өгсүүлээд л юу л байна бүх л юмаа энэ хоёр модныхоо нэрээр нэрлэснээс нь харагдана. Yosemite паркд бас ихээр ургадаг. Ерөнхийдөө "Sierra Nevada" уулсынхаа баруун талд нь ихээр ургадаг гэх юмуу даа. Эндхийн айлууд нь ч хашаандаа аварга аварга том мод ургуулсан харагддаг. Би уг нь нэг модных нь үрнээс олж ирж байгаад Монголдоо ургуулья гэж бодож байсан ч тэгээд залхуу хүрээд больсон доо кк. Уг нь дэлхийн энд тэнд үрээр нь ургуулаад суурьшуулсан тохиолдлууд нилээдгүй байдаг л юм байна лээ.

Аварга том Sequoia модод

   Жоохон тухтай юм үзэж яваад энэ хавьдаа хоноглохоор төлөвлөж байсан ч navigation тааруу дээр нь маргааш нь туулах зам хэт урт байснаас болоод экспрессдэхээр шийдсэн кк. Гэхдээ хоёр талаараа 50-100м өндөртэй мододтой ойн замаар салхи татуулаад давхих бас л кайфтай л юм байна лээ. Зөрөх машин цөөхөн, зам сайхан, байгаль дэлхий бүрэн утгаараа үзэсгэлэнгээ гайхуулсаар...

Hume нуур. Хүн амьтан бол энд бужигнаж байна лээ кк.

Өдөржин явсаар орой салж унахын даваан дээр нэг мотел ортол хажуу өрөөний хэдэн юмнууд арай л эргүү хөгжим арай л хогийн чанга орилуулсаар эхний өдрийг маань өндөрлүүлэвээ гэж кк. Шөнийн 2 цагт ийм юм сонсч унтаад өглөө 7д яг тэр эргүүгээ сонсч сэрсэн гэж бодохоор одоо ч уур хүрсээр. Хөгийн харууд хаха.


Death Valley national park
   Хойд Америкын хамгийн халуун, хамгийн хуурай газар. Нам доор гэдгээрээ бас нилээн дээгүүрт ордог. 1913 онд 56,7 градус хүрсэн нь (би яг тэр цэг дээр нь хоноглосон хаха) дэлхийн хэмжээнд тэмдэглэгдэж үлдсэн температуруудаас хамгийн өндөр нь. Ядаж байхад сүүлийн хэдэн жил Калифорнид авралгүй ган болж байгааг хэлэх үү нэг иймэрхүү бүтэж үхмээр халуун газраар оров. Ширгэсэн нуур, давст хөндий, элсэн манхан, хатаж хуурайшсан газар, хавцалууд. Их л өвөрмөц тогтоцтой тэрүүгээрээ их алдартай газар. Паркын дундуур нь явж өнгөрдөг state route 190 нь өдөрт дундажаар хэдэн машин зорчдог гэлээ дээ. Америкын loneliest road-уудын нэг гэгддэг.

Цангаж байна уу лол

Үхлийн хөндийгөөр аяласан эхний өдөр маань 'Racetrack playa'-руу очих гэж оролдсон бүтэлгүйтлээр дүүрэн өдөр болж таарав. Уг нь бол их гоё газар. Нөгөө учир битүүлэг шалтгаанаар чулуунууд нь хөдөлдөг гээд байдаг газар. Даанч очих замаа сайн мэдэхгүй гүүгл ахаар заалгасан зам нь үнэн бүтэлгүй, 4н цагийг шороон дундуур туулахад хүргэсэн кк. Уг нь бол миний явсны эсрэг талаас нь хүмүүс очдог юм байна лээ. Би мэдэхгүй дээ хуучин уурхайн шал тэнэг зам руу ороод замхарсан.

Ийм замаар л явсан байгаам ;(

http://www.dangerousroads.org/north-america/usa/998-lippincott-mine-road-usa.html

Зорьсон цэгтээ хүрэхэд хэдхэн км үлдээд байсан ч зам улам аюултай болсоор дундаасаа бууж өглөө дөө. Одоо бодоход бас л тэнэгтээ тэр замаар явсан байгаа юм. Ганцаараа, тэр хуурай халуунд, 4 цагийн турш ердөө 2хон машины бараа харсан эзгүй газар, шинэ ямар ч туршлагагүй жолооч, аюултай зам гээд л. Ганц буруудахад гайгүйдээ машинаа эвдэнэ гайтайдаа явж эрлэгтэйгээ уулзахаар л байсан байгаа юм кк.

За тэгээд яаж өдөржингөө бүтэлгүйтэхэв орой унтахынхаа өмнө элсэн манханаар орсон. Нүүр нүдгүй салхинд элсээр балбуулсан ч сайхан газар байна лээ. Шөнө нь тэгээд нөгөө 56,7 градус хүрсэн цэг дээрээ walmart-ын хальс шиг ямбий майхныхаа дээврийг нь хийлгүй тэнгэр ширтээд бүтэж үхэнгээ алдаад хоновоо. Майханд хонолгүй хичнээн ч удсан  юм, тэрүүхэн тэндээ бас дуртай байгаамаа кк. Маргааш нь харин хэд хэдэн үзнэ гэж бодож байсан газруудаараа ороод амжсан. Асар өргөн өвөрмөц тогтоцтой хөндийнүүд. Өглөө үүрээр харин халуун гэхгүй амар юм байна лээ.

Маргааш нь хийсэн ажил кк. Devil's Golf Course

Get Lean

Ажлаасаа өнөөдөр гараваа гэж. 1 жил энэ хамт олны дунд нэг хэсэг нь болж явсаны эцэст өнөөдөр сүүлийн өдөр маань тохиов.
Манайхан гэж хориодхон хүнтэй хоёрхон жилийн түүхтэй авсаархаан старт-ап. Ирээдүйд цахиурын хөндийг шуугиулж хэдэн тэрбумаар үнэлэгдэхээр компани биш ч гэсэн өөрсдийн гэсэн тодорхой зорилготой тэрнийхээ хойноос хэр хэмжээгээрээ зүтгэж буй ирээдүй нь гэрэлтэй даруухан нэг компани. Жилийн дараа, 5н жилийн дараа хэр зэрэг болсон байхыг үнэндээ Балхжав бид хоёрт бол таах арга алга даа кк.

Цөөхөн хүнтэй жижиг старт-ап компанид ажиллахын нэг сайхан тал нь хамт олны хүрээ бага байхын хэрээр хоорондоо улам ойр ажилладагт байдаг болов уу. Компани томрохтой зэрэгцээд дүрэм журам, процесс, хүнд суртал, цаг алдалт л нэмэгддэг байх гэж санагдана. Тэр албаны тэр хэлтэсийн огт царайг нь харж байгаагүй тэр гэхийн оронд зүгээр л бүгд нэг дороо хамтдаа бужигнаад л хамтдаа ширээний теннисээ тоглохдоо тоглоод ажиллахдаа ажиллаад л явна. Уур амьсгал хамаагүй нөхөрсөг энгийн. Зүгээр л нэг над шиг ердийн нэг ажилтан нь ажлаас гарлаа гэхэд компаниа цоожлоод дарга цэрэггүй бүгд хамтдаа өдрийн хоолонд орохоор гарч одно гэдэг сайхан биш гэж үү хэхэ

In LeanData we love Indian buffet so much that we even came 20 minutes earlier than the restaurant opening time :)

Road Trip 2015

Сүүлийн хэдэн сарын турш бодсоор, хүлээсээр байсан аялалаа эхлүүлэхэд 3 хүрэхгүй долоо хоногийн хугацаа үлджээ. Яг цаг нь тулаад ирэхээр тэгээд ямар ч төлөвлөгөө байхгүй, юу ч тодорхой болоогүй. Би гэдэг хүн энэ янзаараа яана даа хэхэ. Ганцаараа, тэгээд туршлагагүй муу жолооч, 6000-10000км газар 2-3 долоо хоног аялана гэж бодохоор дотроо жоохон айдастай л байна. Айхгүй ч хэн байхав дээ. Гэхдээ тэгээд залуу явахад юм бүхнээс зугтаад бэргээд ч яахав дээ кк. Нэг бодлын төлөвлөгөө муутай байх нь ч зүгээр байж магад. Юу хүснэ тэрийгээ хийгээд л.

Үзэхийг хүсч байгаа газрууд арай л их байна. Бүгдэнгээр нь тухтай очно гэвэл үнэндээ сарын хугацаа хаана ч хүрэхгүй л дээ. Зардал ч талийж өгнө. Зүүн эргээр орж чадахгүй буцах болж байгаадаа л жоохон харамсч байна. Америкын хамаг л түүх, тэгээд ер нь бидний хүүхэд байхын кинон дээрээс хардаг Америк бол тэгээд тэр чигтээ л зүүн эрэг шүү дээ. Нью Йорк, ДС, Бостон, Пенсилван. Одоо яая гэхэв чамлахаар чанга атга хүрч очиж чадах газруудаараа л аялана даа хэхэ.

Одоогоор эхний ээлжинд ганц тодорхой болоод төлөвлөгдсөн юм нь Рок ин Рио дээр Линкин Паркаа л харах байна даа. Аль 10 жилд байхын л миний хамгийн их сонсдог хамгийн хайртай хамтлаг маань тэд байсан. Одоо ч тэр хэвээрээ. Дэргэдээс нь (дэргэдээс нь ч гэж дээ тэгээд тэр хар мянган хүний хаахнаас ч харах юм байгаан хаха) үзэх боломж гарч байна гэж бодохоор үнэхээр их догдолж байна. Линкин Парк шүү дээ. Бас болооогүйэ эхний өдөр нь No Doubt, маргааш нь Линкин Паркаас гадна Металликагаа бас үзнэ гэж байгаа.
21 хоногийн ердөө 2 хоног нь л төлөвлөгдсөн байгаа нь энэ дээ хаха.

Ганцаараа хол замд хэдэн дуртай дуугаа сонсоод тасархай байгальтай газруудаар өөрийнхөө тааллаар явна гэдэг сайхаан. За тэгээд ганц нэг бүтэлгүйтэл ч гэсэн хожим дурсах зүйлийн л нэг болох болохоор айх хэрэг юун.

Sleepless night

Шөнө болсон хойно орон дотроо хөрвөөн утсаа оролдон элдвийг эргэцүүлж суух. Унтъя гэвч тархи чинь энэ хүслийг чинь огтхон ч хүлээн авахгүй. Бодолд автах тусам сэтгэл санаа улам тавгүйрч ганцаардлыг бага багаар мэдэрч эхлэх болно. Өрөөнд эргэн тойрон улам л харанхуй болж буй мэт өөрт санагдана. Хүүхэд байхдаа л харанхуйгаас айдаг байсан гэж боддог байлаа. Гэхдээ өнөө шөнийн энэ харанхуй нэг л биш. Хэн ч ганцаардлыг хүсдэггүй ... 

Би яагаад ч юм өөрийгөө ганцаараа байх дуртай гэж боддог байсан. Байсан ч гэж дээ одоо ч гэсэн тийм л дээ. Тодорхой хэмжээгээр үнэний ор байгаа л байх.  Гэхдээ хүн гэдэг амьтан явж явж нэг нэгэнтэйгээ ойр байж нэг нэгнээсээ энерги аван урагшаа тэмүүлдэг болов уу. Ганц хоол тэжээлээс олж авах энерги бус энэхүү бие биенээсээ олж авах энерги нь хүний амьдралын зайлшгүй хэрэгцээ мэт. Хүний нутагт ирсэнээсээ хойш энийг улам л ихээр ойлгож байна. Угийн дуу цөөтэй хүн, дээр нь харь газар. Өөрийгөө улам бүр л хэлгүй дүлий болсон мэт санагдах юм. Зарим өдөр үнэндээ ажлын шаардлагаар л хэд гурван үг амнаасаа унагах. Цөөхөн ч гэсэн хэдэн найз нөхөд эргэн тойронд минь байгаад баярлах юм даа.

Өөрөө өөрийгөө өрөвдөх утгагүй зүйл үү? Албатай юм шиг өөрийгөө тойруулан хана хэрэм босгож, хүмүүсээс зайгаа барьж улам бүр холдсоор эцэс сүүлд нь эзэнгүй арал дээр ганцаараа буй мэт цээж нэг л хоосон. Тийм атлаа хэн нэгэн өөрийн чинь зовж зүдэрч босгосон ханыг чинь нураагаад ороод ирээсэй гэж дотроо битүүхэн хүсэх. Өрөвдөлтэй биш гэж үү. Хааяа өөрийгөө ийм байдалд улам бүр ороод байгаагаа анзаарах юм. Хэн нэгэн хүн хүйтэн ус нүүр рүү минь цацаж буй мэт ямар сул дорой, өрөвдөлтэй болсныг минь нүүрэн дээр минь хэлээсэй гэж бодох. За тэр ч яахав.

Санаа алдахаар ээж маань муу ёр гээд загнадагсан. :санаа алдах:.  Нүдээ аньвал энэ харанхуй байхгүй болчих юм шиг санагдах ... Харанхуй алга болох болов уу???


2015/03/15